टाटा स्टील स्थानिकांना रोजगार पुरवण्यासाठी आणि कामगारांच्या कल्याणासाठी सदैव तत्पर

खोपोली (प्रतिनिधी): टाटा स्टील आपल्या कामात नेहमीच लोक आणि समाजाला केंद्रस्थानी ठेवते. रोजगार निर्मिती करणे, कामासाठी सुरक्षित जागा देणे आणि आपण ज्या समाजासाठी काम करतो त्याच्या कल्याणात हातभार लावणे, यासाठी कंपनी कटिबद्ध आहे.एक जबाबदार कॉर्पोरेट नागरिक म्हणून, टाटा स्टील आपल्या कायमस्वरूपी आणि कंत्राटी कामगारांच्या रोजगार, कामगार पद्धती, कर्मचारी कल्याण आणि कामाच्या ठिकाणच्या मानकांशी संबंधित सर्व लागू कायदे आणि वैधानिक नियमांचे पालन करते.महाराष्ट्र शासनाच्या नियमांनुसार, टाटा स्टील खोपोली येथील एकूण मनुष्यबळापैकी जवळपास ८२% कामगार हे स्थानिक रहिवासी आहेत. कंपनी आपल्या संलग्न संस्था आणि कंत्राटी कामगारांच्या माध्यमातूनही स्थानिक रोजगाराला सातत्याने प्रोत्साहन देत आहे.रोजगार, कल्याण आणि प्रादेशिक विकासाशी संबंधित बाबींवर टाटा स्टील स्थानिक नागरिक, लोकप्रतिनिधी आणि सरकारी अधिकाऱ्यांशी नियमितपणे संवाद आणि समन्वय साधून असते.२०१८ मध्ये 'इन्सॉल्वेंसी अँड बँकरप्टसी कोड' प्रक्रियेअंतर्गत खोपोली प्लांट ताब्यात घेतल्यापासून, टाटा स्टीलने प्रत्यक्ष आणि अप्रत्यक्ष रोजगाराच्या संधींना चालना दिली आहे. तसेच, कर्मचारी कल्याण बळकट करणे, सुरक्षा मानकांमध्ये सुधारणा करणे आणि आसपासच्या परिसराच्या विकासात योगदान देण्याचे काम कंपनीने केले आहे. आरोग्य आणि सुरक्षा व्यवस्थापन हे कंपनीच्या व्यावसायिक नियोजन आणि जबाबदारीच्या चौकटीत समाविष्ट करण्यात आले आहे.टाटा स्टील आपल्या प्रकल्पांच्या आसपासच्या भागाचा सर्वसमावेशक विकास आणि स्थानिक समुदायांच्या दीर्घकालीन कल्याणासाठी योगदान देण्यास कटिबद्ध आहे. यासोबतच जबाबदार कामकाज, स्थानिक रोजगार, कामाच्या ठिकाणची सुरक्षा आणि सर्व हितधारकांशी सकारात्मक संवाद राखण्यावर कंपनीचा भर आहे. कंपनी या क्षेत्राच्या सामाजिक-आर्थिक विकासासाठी कोणत्याही चर्चेस सदैव तयार असून सामूहिक प्रयत्नांना प्रोत्साहन देते. औ‌द्योगिक आणि सामाजिक सलोखा राखत स्थानिक भागीदारांसोबत मिळून काम करणे कंपनी यापुढेही सुरूच ठेवेल.