उरण (प्रतिनिधी): ग्रुप ग्रामपंचायत जासई तर्फे “ मुख्यमंत्री समृद्धग्राम अभियान ” अंतर्गत स्मशानभूमी येथे वृक्ष लागवड करण्यात आली.उरण तालुक्यातील जासई ग्रामपंचायतचे उपसरपंच सृष्टी म्हात्रे,ग्रामपंचायत सदस्य आदित्य घरत, वीणा घरत, सुलोचना घरत, अश्विनी नाईक, जयश्री घरत आदी मान्यवर यावेळी उपस्थित होते. ग्रामपंचायत जासई तर्फे केंद्रशासन व महाराष्ट्र शासनाच्या सर्वच आदेशाचे, सूचनांचे पालन केले जाते. शासनाच्या सेवा सवलती शेवटच्या घटका पर्यंत पोहोचविले जाते. शासनाने केलेल्या आवाहना नुसार तसेच मुख्यमंत्री समृद्धग्राम अभियान अंतर्गत जासई ग्रामपंचायत तर्फे वृक्षारोपण करण्यात आले.झाडे लावा झाडे जगवा, पर्यावरण वाचवा, निसर्गाचे संवर्धन, संरक्षण करा असा संदेश ग्रुप ग्रामपंचायत जासईच्या माध्यमातून देण्यात आला आहे.
0 Comments