खासदार श्रीरंग आप्पा बारणे जीवन चरित्रावर 'संघर्षयोद्धा' या पुस्तकाचे प्रकाशन

प्रतिनिधी: (पनवेल) खासदार श्रीरंग आप्पा बारणे सोशल फाऊंडेशन च्या वतीने खासदार श्रीरंग बारणे यांच्या वाढदिवसानिमित्त राजकीय जीवनावर आधारित 'संघर्षयोद्धा' या पुस्तकाचे प्रकाशन राज्याचे माजी मुख्यमंत्री तथा उपमुख्यमंत्री एकनाथ शिंदे साहेब तसेच परमपुज्य स्वामी गोविंद गीरी महाराज यांच्या हस्ते करण्यात आले. स्वामी गोविंदगिरी महाराज यांनी कार्यक्रम प्रसंगी आशिर्वाद दिले.नगरसेवक पदापासून ते खासदारकीपर्यंत पोहचलेला एक कार्यकर्ता आहे. त्यांचा हा प्रवास प्रत्येक शिवसैनिकांसाठी प्रेरणादायी आहे. यापूर्वी त्यांनी चार पुस्तके लिहिली असून हे त्यांचे पाचवे पुस्तक आहे. नगरसेवक ते संसदरत्न हा प्रवास पाहिला तर 'संघर्षयोद्धा' हेच शीर्षक योग्यच असल्याचे मत याप्रसंगी बोलताना एकनाथ शिंदे यांनी व्यक्त केले. 

यावेळी श्री रामजन्मभूमी मंदिराचे कोषाध्यक्ष स्वामी गोविंदगिरी महाराज, केंद्रीय नागरी उड्डयन राज्यमंत्री मुरलीधर मोहोळ, आमदार विजय शिवतारे, सुनील शेळके, महेंद्र थोरवे, राहुल कुल, उमताई खापरे, शंकर जगताप, अमित गोरखे,नाना काटे शत्रुघ्न काटे,इरफान सय्यद,प्रताप बारणे विश्वजित बारणे निलेश बारणे महेश बारणे धनाजी बारणे तसेच शिवसेनेचे सर्व पदाधिकारी तसेच महायुतीचे प्रमुख पदाधिकारी आणि कार्यकर्ते मोठ्या संख्येने उपस्थित होते.