प्रितम दादा एकटा लढला!पराभूत झाले तरी,संपूर्ण ताकदीने नडले!

प्रतिनिधी/,उरण:-

     उरण 190 विधानसभेत शेकाप आघाडीची  2019 मध्ये 60,000 + मते असताना, चार महिन्यातच जोरदार उरण मध्ये मुसंडी मारून एकट्या शेतकरी कामगार पक्षाचा 88,000 चा आकडा प्रितम म्हात्रे यांनी पार केला. 

     शेतकरी कामगार पक्षाचा कार्यकर्ता  कोणताही मोठा नेता किंवा स्टार प्रचारक नसताना शेकाप नेते  जे एम म्हात्रे यांच्या नियोजनबद्ध मार्गदर्शनाखाली प्रितम म्हात्रे निवडणूक लढले.

           शेकाप मधील काही नेते सुद्धा  विरोधात जाऊन महाविकास आघाडीच्या छत्रछायेखाली विरोधात काम करत होते. शिवसेना, काँग्रेस, राष्ट्रवादी काँग्रेस हे सर्व मोठे पक्ष एकत्र होते. प्रितमदादांना भाजपनेच उभे केलेअस  अपप्रचार केला गेला.परंतु आता निकाल नंतर तिसऱ्या क्रमांकावर गेलेल्या शिवसेनेच्या मतांमुळे नक्की कोणी कोणाला उभे केले हे आता जग जाहीर झाले आहे. 

         हार न मानता पुन्हा दुसऱ्याच दिवशी आपल्यावर ज्या 88,000 मतदारांनी विश्वास टाकला आहे तो सार्थ ठरवण्यासाठी त्याच सर्व तरुण कार्यकर्त्यांची फौज घेऊन दादांनी पुन्हा जोमाने काम करण्याचे ठरवून कार्यकर्ते आणि पदाधिकाऱ्यांची बैठक बोलावली आहे.

           यावरून भविष्यात प्रितम जनार्दन म्हात्रे हे उरण विधानसभा क्षेत्रात भविष्यात येणाऱ्या इतर निवडणुकीत इतर पक्षांना त्यांची जागा दाखवणार असे सांगण्यात येते.

*कोट*

महाविकास आघाडीतील सर्व पक्ष शेतकरी कामगार पक्षाच्या विरुद्ध असताना सुद्धा युवा कार्यकर्त्यांच्या जोरावर आम्ही  पक्षाची मते 88,000 पर्यंत नेली. यापुढे उरण मध्ये तरुणांच्या रोजगाराच्या बाबतीत खूप काम करायचे आहे. बेरोजगारी, महिला सक्षमीकरण यांवर मला मुखत्वेपणे मोठे काम करायचे आहे. माझ्यासोबत असलेल्या सर्व युवा कार्यकर्त्यांना मी यापुढेही संपूर्णपणे ताकद देण्यासाठी  मी योग्य वेळी योग्य तो निर्णय घेईनच.

प्रितम जनार्दन म्हात्रे