शासकीय आश्रमशाळेतील मुख्याध्यापकांच्या समस्यांबाबत राज्याचे आदिवासी विकास मंत्री डॉ. अशोक उईके यांच्या अध्यक्षतेखाली, त्यांच्या ‘लोहगड’ ह्या शासकीय निवास्थानी विशेष बैठकीचे आयोजन करण्यात आले होते. सदर बैठकीत संबंधित अधिकारी आणि सचिवांच्या उपस्थितीत, कोकण पदवीधर मतदारसंघाचे आमदार ॲड. निरंजन डावखरे यांनी मुख्याध्यापकांच्या विविध महत्त्वाच्या मागण्या मंत्रीमहोदयांसमोर मांडल्या. ह्यात प्रामुख्याने शासकीय आश्रम शाळेत कार्यरत असणाऱ्या मुख्याध्यापकांना राजपत्रित दर्जा मिळण्याबाबतच्या मागणीवर सर्वप्रथम चर्चा करण्यात आली. १९९८ च्या अधिसूचने प्रमाणे शासकीय आश्रम शाळेत कार्यरत असणाऱ्या मुख्याध्यापकांना राजपत्रित अधिकारी म्हणून घोषित केलेले आहे परंतु आदिवासी विकास विभागामध्ये अजूनपर्यंत याबाबत अंमलबजावनी करण्यात आली नसल्याने मुख्याध्यापकांना प्रत्येक निर्णय घेतांना प्रकल्प कार्यालयाच्या निर्णयावर अवलंबून राहावे लागते. ह्यामुळे मुख्याध्यापकांची होणारी मानहानी आणि विद्यार्थ्यांचे होणारे नुकसान लक्षात घेता आदिवासी विकास मंत्री डॉ. अशोक उईके यांनी सदर विषय मंत्रिमंडळाच्या बैठकीत उपस्थित करून ह्याबाबत तात्काळ निर्णय घेण्याचे आश्वासन दिले.
0 Comments